‘වැලිකඩ බන්ධනාගාරයේ වහල උඩ විරෝධතාවට’ තලතා අතුකෝරළගෙන් පිළිතුරක්

කාන්තා රැදවියන් පිරිසක් වැලිකඩ බන්ධනාගාරයේ වහලය මත නැගී විරෝධතාවක නිරතව සිටින බවට වාර්තා වේ.

අද (13) උදෑසන සිට වැලිකඩ බන්ධනාගාරයේ කාන්තා අංශයේ රැදවියන් 25 දෙනෙකු වහලය මත නැග මෙලෙස විරෝධතාවයේ යෙදී සිටින බවයි ‘අකුණ’ වාර්තාකරු පවසන්නේ.

තමන්ට එරෙහිව පවතින නඩු කඩිනමින් විභාගයට ගන්නා ලෙස ඉල්ලමින් කාන්තා රැදවියන් විරෝධතාවයේ නිරතව සිටියි.

එහෙත්,අද (13) පෙරවරුවේ නිවිතිගල තුත්තිරිපිටිගම පාලම සදහා මුල්ගල තැබීමෙන් අනතුරුව මාධ්‍ය වේදීන් යොමු කළ ප්‍රශ්නවලට අධිකරණ හා බන්ධනාගාර ප්‍රතිසංස්කරණ අමාත්‍ය නිතීඥ තලතා අතුකෝරළ පැවසුවේ කුමන විරෝධතාවයක් දැක්වුවද පිළිවෙලකට කටයුතු කරනවා හැර වෙනසක් කිරීමේ හැකියාවක් නොමැති බවයි.

“වහලය උඩ නොවෙයි කොහේ නැග්ගත් යන පිළිවෙළට යනවා මිසක් අපිට වෙනසක් කරන්ඩ බැහැ. ඕන කෙනෙකුට උද්ඝෝෂණය කිරිමේ අයිතිය අද මේ රටේ ඇති කරලා තියෙනවා.උද්ඝෝෂණය කරපුවාම වෙඩි තියන්නේ නැහැ ඉස්සර වගේ.

කවුරුත් අද මේ රටේ පිළි අරගෙන තියෙනවා බන්ධනාගාරය තුළ තවමත් නීති විරෝධී වැඩ කටයුතු කෙරෙනවා කියලා .ඒක මම කොහොම හරි පාලනය කරනවා”එහිදී වැඩිදුරටත් අමාත්‍යවරිය අදහස් පල කලේය.

Share this

Related posts