පොහොට්ටු නාගරික මන්ත්‍රී ළමුන් ජාවාරමේ..

ඉහත ලිපියේ සිංහල පරිවර්තනය | ගීතිකා ධර්මසිංහ. 
 
මේසතියේ මුල ලිඳුල ප්‍රාදේශීය සභා සභාපති සහ පොහොට්ටුවේ දේශපාලන සභික, අනගිපුර අසෝක සේපාල සහ තවත් සය දෙනෙකු ළමුන් පැහැරගැනීමේ සිද්ධියකට අදාලව පොලිසිය විසින් අත්අඩංගුවට ගෙන ඇත. මෙම සය දෙනා අතර ශ්‍රී ලංකා පොදුජන පෙරමුණේ මන්ත්‍රී සභිකයකු වන ඉෂාර අනුරුද්ධ මන්චනායකද වේ.
 
මෙම සැකකරුවන් ළමුන් පැහැරගැනීමේ සහ ළමුන් හොර ජාවාරම් කිරීමේ සිද්ධි දෙකකට චෝදනා ලබා සිටී. මංචනායක අත්අඩංගුවට ගැනීමත් සමග තත්වය තවත් බරපතල කරමින් පොලිසියට ලැබුණු ඔත්තුවකට අනුව ඔහුගේ නිවසේ සිටි වෙනස් ලෙස හැකියාවන් ඇති අවරුදු 11 දරුවෙකුද සොයා ගැනිණි.
 
අවූරුද්දකට ඉහත දී පියෙකු විසින් දරුවන් දෙදෙනෙකු සම්බන්ධයෙන් කල පළමු පැමිණිල්ල සම්බන්ධයෙන් අගරපතන පොලිසිය කිසිඳු පියවරක් නොගෙන තිබියදී මේ ලෙස තවත් දරුවෙකු රඳවා තබා ගැනීම පිළිබඳ තොරතුරු සොයා ගැනීම මෙම සැකකරුවන් ළමුන් පැහැරගැනීමේ වියාපාරයකට සම්බන්ධ දැයි ප්‍රශ්න රාශියක් මතු වී ඇත. මේ සම්බන්ධව පළමුව අවධානයට යොමුකෙරුනේ 2017 ජුනි 12 වැනි දින ආගරපතන පොලිසියට පැමිණි පොට්මෝ වතුයායේ පදිංචි පුද්ගලයෙකු විසින් තමන්ගේ බිරිඳත් සිය දියණියත් අතුරුදහන් වූ බව පොලිසියට පැමිණිලි කිරීමත් සමගය. ඔහු වෙනුවෙන් පෙනී සිටින නීතීඥ මෝහන රාජන්ට අනුව පොලිසිය සිද්ධිය සම්බන්ධයෙන් කිසිඳු පියවරක් ගත්තේ නැත. ඊට මාස දෙකකට පසුව එනම් 2017 අගෝස්තු 20 වෙනිදා දෙවෙනි දරුවත් අතුරැදහන් වූ පසුව හෝ “ඔවුන්ට (පොලීසියට) ඒ පිළිබඳව ගානක්වත් තිබුනේ නැහැ”, නීතීඥ මෝහන රාජන් කියා සිටියේය.
 
කෙසේ වූවත් අතුරුදන් වූ මව සහ දියණිය පිළිබඳව කිසිඳු ආරංචියක් නොතිබුනා වුවද ළමා හා කාන්තා කාර්යාංශය විසින් ලබා දුන් ඔත්තුවකට අනුව පතන ප්‍රදේශයේ බෝගහවත්ත පන්සලක සිටියදී අවරුදු තුනක් වයසැති පිරිමි දරුවා සොයා ගනු ලැබිණි. මෙම දරුවා සිය පියාට භාර දුන්නද දරුවා එහි දමා ගියේ කව්දැයි හෝ එම අනීතික සිද්ධියට අදාලව කිසිදු තොරතුරක් සොයා ගැනීමට පොලීසිය අසමත් විය. පියා විසින් සිය බිරිඳ සහ අතුරුදන් වූ දරුවා සොයා ගැනීමට දිගින් දිගටම වෙහෙසෙද්දී, පසුගිය සතියේ උසාවිය මෙම සිද්ධිය කැඳ වූ අවස්ථාවේ ඔහුගේ බිරිඳ තමන් හැදී වැඩුණු ගමේ ගම්වැසියෙකුගේ උපකාර සහිතව උසාවියට පැමිණි සිටියාය. අසෝක සේපාල, අනුරුද්ධ මංචනායක සහ අත්අඩංගුවට ගත් සියලුදෙනා මෙන්ම අතුරුදන් වූ අනෙක් දරුවා සොයාගැනීම සඳහාද පාදක වුයේ ඇයගේ කට උත්තරයයි.
 
වැරදිකරුවන් තහවුරු කරමින් ඇය විසින් දෙන ලද කට උත්තරය තුල ඇය තවදුරටත් කියා සිටියේ සේපාල වෙත ඇයව යොමු කලේ තමන් හඳුනන තුන්වන පාර්ශවයක් විසින් තමන්ට විදේශීය රැකියාවක් ලබාදෙන බවට වූ පොරොන්දුවක් මත බවයි. නීතීඥ මෝහනරාජන්ට අනුව සේපාල ඇයව පිටරට යවන බවට පමණක් නොව ඇය නැවත පැමිණෙන විට ත්‍රීවීල් රථයක්ද ලබා දෙන බවට පොරොන්දු වී ඇත. එසේම ඇය ලංකාවේ නැති අතරේ ඇයගේ දරුවන් සේපාල විසින් රැක බලාගැනීමද එකගතාවයක් විය. “මේ කණ්ඩායම විසින් ඇයව රවට්ටලා” නීතීඥවරයා පැවසීය. ගමන්බලපත්‍රය සාදා දීම සඳහා ඇයව කොළඹට ගෙනා ආ නමුත් පිටරට යාමේ ඇයගේ සිහිනය කෙදිනකවත් සැබෑවක් නොවීය. ඒ වෙනුවට ඇය පවසන්නේ විවිධ ස්ථානවල ඇයව රඳවා තැබූ බවත් විවිධ ගෙවල්වල වැඩකාරියක් ලෙස සේවයේ යෙද වූ බවත්ය. ඇය තවදුරටත් කියා සිටියේ තමන් මෙලෙස රඳවා සිටි කාලය පුරාවට තමන්ගේ දරුවන්ට කුමක් සිදු උනිදැයි නොදත් බවය. එසේම ඇය ලිංගික අතවරයටද ලක් වූ බවය. ඇයගේ කට උත්තරයට අනුව සේපාල සහ තවත් පස් දෙනෙකු අත්අඩංගුවට ගත් අතර ඇයට එරෙහිවද සිය දරුවන් කිසිඳු නීතිමය පියවරක් නොගෙන මෙම පුද්ගලයනට භාර දීම හේතුවෙන් නඩු පැවරීය.
 
මේ අතරතුර සැකකරුවන්ගෙන් කට උත්තරයක් ලබා ගැනීමටත් පෙර මාතර පදිංචි යුවලක් විසින් තමන් අරන් හදාගත්යා යැයි කියාගනිමින් අවුරුදු 5ක් වයසැති ගැහැණු දරුවා සමග තලවකැලේ පොලිසියට පැමිණ ඇත.
“මෙම සැකකරුවන් ළමා හොර ජාවාරමේ යෙදෙන බව මෙම සිද්ධිය විසින්ම පෙන්වනවා. නැත්නම් කොහොමද මෙම කණ්ඩායම අත් අඩංගුවට ගත් විගස මේ විදියට එකපාරටම ප්‍රතිහාර්යක් වගේ මෙහෙම දරුවා පහත්වෙන්නේ ?මෝහනරාජන් පැවසීය.
ඔහුට අනුව දරුවා මෙම ජෝඩුවට භාර දීමේදී කිසිඳු නීතිමය ක්‍රියාමාර්ගයක් අනුගමනය කර නැත. මෙහිදී මුදල් ගනුදෙනුවක් වී ඇත්දැයි නොදන්නා නමුත් පොලිසිය ඒ පිළිබඳව සොයා බලන බව පැවසීය. වතු ප්‍රදේශවල ස්ත්‍රීන් සහ ළමුන් ගෘහස්ත සේවය සඳහා රැගෙන යාම කලකදී සාමාන්‍ය තත්වයක්ව තිබු බවත් තුන්වෙනි දරුවෙකුත් මන්චනායකගේ නිවෙසේදී සොයාගැනීමත් සමග මෙම කණ්ඩයාම ස්ත්‍රීන් සහ ළමුන් හොර ජාවාරමේ එදවස සිට යෙදී ඇත්දැයි සැක පහල කරන බව මෝහනරාජන් පැවසීය. තොරතුරුවලට අනුව මන්චනායකගේ නිවසින් සොයා ගනු ලබූ 11 වයසැති දරුවා සිය මව විසින් මන්චනායකට භාර දී ඇති බවත් ඔහු විසින් එම දරුවා රැකබලාගනු ලැබූ බවත් සඳහන්ය. මෙම දරුවා අරන් හදා ගැනීමේදීද කිසිඳු නීතිමය ක්‍රියාමාර්ගයක් ගෙන නැති අතර දරුවාගේ මව සොයා ගැනීමට නියමිතය. එකම සාක්ෂියකට ඇත්තේ දරුවා මන්චනායකට භාර දෙන බවට දරුවාගේ මව විසින් ලියන ලදැයි කියන ලිපියක් පමණි. මෙම සැකකාර කණ්ඩායමේ වාසනාව මෙම සතිය තුල ගිලිහෙද්දී, මෝහනරාජන් පැවසුයේ එම ප්‍රදේශයේ මන්චනායකට සම්බන්ධ බලපුළුවන්කාර දේශපාලකයෙකු සාක්ෂිකරුවන්ට සහ පැමිනිළිකරුවන්ට තර්ජනය කර ඇතිබවට වාර්තා වී ඇති බවයි.
 
මූලික සැකකරු වන සේපාල ඉතාමත් පහසුවෙන් තමන් රෝගී යැයි පවසා බදුල්ල රෝහලට ඇතුලත් කර ඇත. මෙම දේශපාලකයන්ගෙන් මේ හා සමාන ඉරණමකට ලක් වූ තවත් අය සිටීනම් ඔවුන්ට ඉදිරිපත්වන ලෙස තනිව අරගලයේ යෙදෙන මෝහන රාජන් ජනතාවගෙන් ඉල්ලීමක් කරන අතර ඒ නීතියේ යුක්තිය ඔව්නටද ලබාගත හැකි නිසාය. “මෙම කණ්ඩායම විසින් මෙම ස්ත්‍රිය රවට්ටලා සහ පාවිච්චි කරලා” යැයි ඔහු පැවසුයේ තවත් ඒ වගේ අය ඉන්න පුළුවන් කියමිනි. ඔහු කියා සිටියේ තවදුරටත් පරීක්ෂණ පැවැත්වීම සඳහා මෙවැනි තත්වයන්ට ලක් වූ වින්දිතයන්ගේ සහාය අවශ්‍ය බවයි. ඔහු විශ්වාස කරන්නේ ඔවූන් ඉදිරියටවිත් මෙම කන්ඩායමේ කුට දැල සම්බන්ධයෙන් තවදුර තොරතුරු ඉදිරිපත් කරනු ඇත කියාය.
 
|අකුණ| 
Share this

Related posts